Türkmenistanyň Saglygy goraýyş ministrligi we ÝUNISEF çagalar üçin sagdyn durmuş ýörelgesi hakynda kitaby neşir etdiler
Türkmenistanyň Saglygy goraýyş we derman senagaty ministrligi BMG-niň çagalar gaznasynyň Ýurt edarasy bilen bilelikde «Ýartygulak we onuň dostlary» atly çagalar kitabyny çykardy.
Owadan we suratlar bilen bezelen kitap 4 ýaşdan 10 ýaşa çenli çagalar üçin niýetlenendir. Ol ösüp gelýän ýaş nesle irki çagalyk döwründen başlap sagdyn durmuş ýörelgesini alyp barmak endiklerini edinmage kömek etmäge niýetlenendir.
Hemmelere belli milli ertekileriň gahrymany Ýartygulak öz dostlary bilen ýaşajyk okyjyny interaktiw oýunlaryň, suratlary reňklemek boýunça gönükmeleriň, matallaryň we beýleki ýumuşlaryň üsti bilen sagdyn durmuş ýoluna syýahata ugradýar.
Neşiri türkmen we rus dillerinde ÝUNISEF-iň Türkmenistandaky saýtyndan ýükläp, alyp bolýar.
ORIENT habarlar
