Magtymgulynyň döredijiligi Gruziýada şygryýetiň muşdaklaryny birleşdirdi
Beýik türkmen şahyrynyň 300 ýyllygyna bagyşlanan "Magtymguly Pyragy - türkmen halkynyň kalby" atly halkara maslahat Tbiliside Gruziýanyň Milli ylymlar akademiýasynyň, Korneli Kekelidze adyndaky Milli golýazmalar merkeziniň alymlaryny we dilçilerini, ÝOM-niň mugallymlaryny, şeýle hem Gruziýada akkreditlenen diplomatik wekilhanalaryň we halkara guramalaryň wekilhanalarynyň wekillerini birleşdirdi. Türkmen tarapyndan foruma Türkmenistanyň Ylymlar akademiýasynyň Magtymguly adyndaky Milli dil, edebiýat we golýazmalar institutynyň bilermenleri we hünärmenleri gatnaşdylar.
Çarşenbe güni geçirilen döredijilik duşuşygy Türkmenistanyň Daşary işler ministrliginiň saýtynda ýerleşdirilen habara görä, Türkmenistanyň Milli ylymlar akademiýasy bilen bilelikde ýurdumyzyň Gruziýadaky ilçihanasy tarapyndan gurnaldy.
Maslahatda çykyş edenler beýik gumanist şahyr Magtymguly Pyragynyň döredijiliginiň diňe bir edebiýatyň ösüşine däl, eýsem Gündogar halklarynyň ruhy durmuşyna-da möhüm täsir edendigini bellediler. Onuň eserleri dünýä medeniýetiniň aýrylmaz bölegi bolup, dünýäniň köp halklarynyň dillerine terjime edildi. Häzirki geçirilen çäre Gruziýada beýik türkmen şahyrynyň baý edebi mirasyny wagyz etmäge gönükdirilendir.
ORIENT news
