Türkmen we gruziýaly alymlar Tbiliside hyzmatdaşlygyň geljegini ara alyp maslahatlaşdylar
Türkmen wekiliýetiniň we Gruziýa tarapynyň wekilleri penşenbe güni Tbiliside Türkmenistanyň Ylymlar akademiýasynyň Magtymguly adyndaky Milli dil, edebiýat we golýazmalar instituty bilen Gruziýanyň milli golýazmalar merkeziniň arasyndaky hyzmatdaşlygy ara alyp maslahatlaşdylar diýip, Türkmenistanyň Daşary işler ministrliginiň saýty habar berýär.
Gruziýanyň golýazma merkezi gepleşikler üçin platforma boldy. Bu ýerde türkmen alymlary institutyň arhiwinde saklanýan gadymy golýazmalar, arap, pars we türk dillerinde neşir edilen gadymy ýygyndylar we taryhy resminamalar bilen tanyşdylar.
Merkeziň müdiri Zaza Abaşidze bilen Türkmenistanyň we Gruziýanyň golýazmalar institutlarynyň alymlary we hünärmenleriniň arasynda mundan beýläkki hyzmatdaşlyk meselelerini ara alyp maslahatlaşdylar. Iki ýurduň hünärmenleriniň arasynda gönüden-göni gatnaşyklaryň ýola goýulmagy, ylmy hyzmatdaşlygyň çuňlaşdyrylmagy, bilelikdäki çäreleriň halkara derejesinde geçirilmegi türkmenler bilen gruzin halklarynyň arasyndaky medeni we ynsanperwer gatnaşyklaryň pugtalanmagyna goşant goşjakdygy bellenildi.
ORIENT news
