Ärdogan Türkiýäniň daşary ýurtlardaky raýatlaryny prezident saýlawlarynyň ikinji tapgyrynda ses bermäge çagyrdy
Türkiýäniň baştutany Rejep Taýyp Ärdogan daşary ýurtda ýaşaýan türkleri prezident saýlawlarynyň ikinji tapgyrynda ses bermeklige işjeň gatnaşmaga çagyrdy – diýip, TurkicWorld habar berýär.
«Siziň her biriňize eýeleýän dogry, demokratik we aýgytly garaýyşlaryňyz üçin minnetdarlyk bildirýärin. 28-nji maýda ýene-de bir gezek öz milli erkiňizi görkezmeli bolar» — diýip, Ärdogan özüniň Twitterdäki hasabynda ýazdy.
14-nji maýda Türkiýede bolup geçen prezident we parlament saýlawlaryna 60 mln-a golaý adam gatnaşdy. Sesleriň sanawynyň jemleri boýunça ýurtdaky baş wezipä esasy dalaşgär Rejep Taýyp Ärdogan prezident saýlawlarynda sesleriň 49,50% aldy, onuň baş garşydaşy Kemal Kylyçdaroglu – 44,89% aldy.
Dalaşgärleriň hiç biriniň sesleriň 50%-den gowragyny alyp bilmändigi sebäpli, 28-nji maýda Türkiýede prezident saýlawlarynyň ikinji tapgyry geçer.
ORIENT habarlar
