Aşgabatda Atatürki ýatlamak, ýaşlar we sport gününi bellediler
Türkiýäniň Türkmenistandaky ilçihanasy Aşgabatda 19-njy maýda bellenip geçilýän Atatürki ýatlamak, ýaşlar we sport gününe bagyşlanan çäre geçirdi.
Baýramçylyk çäresinde Türkiýe Respublikasynyň halk oýunlary we tanslary, sport ýaryşlary, şeýle hem baýramyň ähmiýetini görkezýän gysga teatrlaşdyrylan sahnalar görkezildi. Belli senäniň baýram edilmegi Türkiýäniň Türkmenistandaky ilçisi Togan Oralyň gatnaşmagynda geçdi.
Türkiýede Atatürki ýatlamak, ýaşlar we sport güni — bu uly gerimde bellenilýän ählihalk dabarasydyr.
Baýramyň öňüsyrasynda köçeleri we jaýlary baýdaklar we Kemal Atatürküň portretleri bilen bezeýärler. Uly şäherlerde bagbanlar seýilgähleri gül bilen dürli reňklerde bezeýärler, olarda güllerden döredilen dürli alamatlaýyn şekilleri görüp bolýar. Seýilbaglar gelip görýänleriň köp sanlysyny kabul etmäge taýýarlanýarlar.
ORIENT habarlar
