DIM HGI-nyň türkmen diplomatiýasy tarapyndan ileri tutulýan ugurlar boýunça olimpiadanyň ýeňijileri kesgitlendi

Maý 19, 2023 | 15:45 |6399

Türkmenistanyň DIM-niň Halkara gatnaşyklary instituty tarapyndan Türkmenistanyň ýokary okuw mekdepleriniň arasynda yglan edilen suw, energetika we ulag diplomatiýasy babatynda internet-olimpiadasynyň ýeňijileri kesgitlendi.

Bäsleşikde öňdäki orunlary Halkara ynsanperwer ylymlary we ösüş uniwersitetiniň talyplary eýelediler. Olaryň arasynda — halkara gatnaşyklary we dünýä diplomatiýasy fakultetiniň I ýyl talyplary Abdyleziz Saryýew we Selbi Nuryýewa, şol fakultetiň II ýyl talyby Enejan Açylowa bar.

Ýeňijileri sylaglamak dabarasy 27-nji maýda Türkmenistanyň DIM-niň Halkara gatnaşyklary institutynda bolar.

ORIENT news