Türkmenistanyň Täjigistandaky ilçihanasy Arkadag şäheriniň tanyşdyrylyşyny gurady
Türkmenistan Täjigistandaky muzeýleriň Halkara gününe bagyşlanan dabaralarda milli äheňde döredilen we milli egin-eşikler, halk şaý-sepleri we halylar bilen bezelen ekspozisiýa bilen wekilçilik etdi.
Duşenbäniň Milli muzeýiniň binasynda geçen «Muzeýdäki gije» çäresiniň çäklerinde türkmen diplomatik wekilhanasy tarapyndan şeýle hem Arkadag şäheri tanyşdyryldy - diýip, Türkmenistanyň Täjigistandaky ilçihanasy habar berýär.
Myhmanlara Türkmenistandaky «akylly» şäheri gurmakda tehnologiki we ekologiki çözgütler görkezildi. Mundan başga-da, Duşenbede akkreditirlenen döwletleriň diplomatik missiýalarynyň gatnaşmagynda geçen çärede Türkmenistanyň Halk Maslahatynyň Başlygy Gurbanguly Berdimuhamedowyň ylmy işleri bilen tanyşdyryldy.
Konstitusiýa we Türkmenistanyň Döwlet baýdagynyň gününe bagyşlanan diwarlyk, şeýle hem türkmenleriň milli aşhanasynyň tagamlary we dutaryň sesi öwüşginiň we aýratyn baýramçylyk gurşawynyň üstüni ýetirdi.
Çärä Täjigistanyň Medeniýet ministrligi tarapyndan başlangyç berildi. Oňa jemgyýetçilik guramalary, talyp ýaşlar we täjik intelligensiýasynyň görnükli wekilleri gatnaşdylar.
ORIENT habarlar
