Türkmenistanyň Rumyniýadaky medeniýet günleri 22-26-njy maýda Buharestde we Konstansda geçer
Türkmenistanyň Rumyniýadaky medeniýet günleriniň geçirilmegi üstümizdäki ýylyň 22-26-njy maýyna meýilleşdirilendir. Türkmen ilçihanasynyň goldamagynda geçirilýän bu çäre Buharestde we Konstansda geçer – diýip, Türkmenistanyň diplomatik missiýasy habar berýär.
Şeýle hem dabaralaryň çäklerinde režissýor Arslan Eýeberdiýewiň «Istärin» türkmen filminiň görkezilişi bolar.
Ozal Türkmenistanyň we Rumyniýanyň bilelikdäki medeni çäreleri geçirmekligi maksat edinýändikleri, olaryň arasynda rumyn suratkeşleriniň türkmen Folklor festiwalyna gatnaşmagynyň bardygy habar berlipdi.
Şeýle ylalaşyklar üstümizdäki ýylyň martynda Türkmenistanyň Rumyniýadaky ilçisi Annamämmet Annaýewiň we Rumyniýanyň Medeniýet ministri Luçian Romaşkanunyň gepleşikleriniň barşynda ara alnyp maslahatlaşylypdy.
ORIENT habarlar
