Türkmenistanyň we Russiýanyň Küşt federasiýalarynyň ýolbaşçylary mekdep taslamalaryny ösdürmek meselesini ara alyp maslahatlaşdylar
Türkmenistanyň Küşt federasiýasynyň prezidenti Wepa Mälikgulyýew 17-nji maýda çarşenbe güni Russiýanyň Küşt federasiýasynyň (RKF) prezidenti Andreý Filatow we RKF-niň ýerine ýetiriji direktory Aleksandr Tkaçýow bilen duşuşdy.
Taraplar iki federasiýanyň arasynda özara bähbitli hyzmatdaşlyk meselelerini ara alyp maslahatlaşdylar, hususan-da, gürrüň Ýelena we Gennadiý Timçenkolaryň gaznasynyň goldaw bermeginde Russiýanyň Küşt federasiýasy tarapyndan durmuşa geçirilýän “Belaya Ladýa” we “Mekdepde küşt” taslamalaryny mundan beýläk-de ösdürmek barada boldy.
Wepa Mälikgulyýew RKF-niň küşt muzeýiniň direktory, taryh ylymlarynyň kandidaty Dmitriý Oleýnikowyň tanyşdyrmagynda muzeýiň ekspozisiýasyna uly gyzyklanma bildirdi – diýlip, Russiýanyň Küşt federasiýasynyň saýtynda habar berilýär.
ORIENT news
