Aşgabatdaky türk raýatlary prezident saýlawlarynyň ikinji tapgyrynda ses berip bilerler
Türkiýäniň diplomatik wekilhanasynyň Twitter sahypasynda berýän habaryna görä, 20-nji we 21-nji maýda Aşgabatdaky Türkiýäniň ilçihanasynyň binasynda prezident saýlawlarynyň ikinji tapgyry boýunça ses berişlik geçiriler.
Türkiýäniň ilçihanasy saýlawçy hökmünde hasaba alnan Türkmenistandaky raýatlaryny Görogly köçesiniň 9-njy jaýy salgy boýunça ýerleşýän saýlaw uçastogyna gelip ses bermäge çagyrýar.
Türkiýede saýlawlaryň birinji tapgyry 14-nji maýda geçirildi. Prezidentlige dalaşgärleriň hiç biri-de sesleriň 50%-ini alyp bilmedi, şonuň üçin 28-nji maýda ýurtda ses berişligiň ikinji tapgyry geçiriler. Türkiýäniň häzirki Prezidenti Rejep Taýyp Erdoganyň 49,35% ses alandygyny ýatlatmak isleýäris. Kemal Kylyçdarogluny saýlawçylaryň 45%-i goldady.
ORIENT news
