Udmurt uniwersiteti türkmen raýatlaryny üçünji gezek okuwa çagyrýar
Ižewskiniň Udmurt döwlet uniwersiteti Türkmenistanyň raýatlaryny Russiýanyň ýokary okuw mekdeplerine býujet esasynda okuwa girmegiň üçünji tolkunyna gatnaşmaga çagyrýar – diýip, Aşgabatdaky Rus öýi habar berýär.
Test görnüşindäki giriş synaglaryna gatnaşmak üçin anketany doldurmaly. 3 iş gününiň dowamynda elektron poçtanyň salgysyna test-online.udsu.ru. ulgamyndan login we parol geler. Testi synanyşyk görnüşinde geçmek üçin saýtda funksiýa göz öňünde tutulandyr.
Synaglar 1-nji iýunda Aşgabat wagty bilen sagat 10:00-da geçiriler. Her dalaşgäre wagt berlip, testi geçmek üçin diňe bir synag berilýär.
Girişligiň birinji we ikinji tolkunlarynda synagdan geçip bilmedik we gaýtadan tabşyrmak isleýän raýatlar olimpiada.udsu@gmail.com. poçtasyna ýazyp bilerler.
Udmurt döwlet uniwersiteti —Udmurtiýanyň öňdebaryjy ýokary okuw mekdebidir, onuň 13 fakulteti, 134 kafedrasy we 19 okuw-işewürlik merkezi bar.
ORIENT habarlar
