Özbegistanda Ýewraziýa halklarynyň çeper döredijilik festiwaly geçiriler
Özbegistanyň paýtagtynda noýabr aýynyň 6-dan 10-y aralygynda Ýewraziýa halklarynyň «Parahatçylyk we dostluk üçin» atly ilkinji Halkara döredijilik festiwaly geçiriler diýip, GDA-nyň Ýerine ýetiriji komiteti habar berýär.
Guramaçylaryň meýilnamasyna görä, şunuň ýaly festiwalyň geçirilmegi oňa gatnaşyjylary we myhmanlary çeper döredijilik pudagyndaky üstünlikler bilen tanyşdyrmaga hem-de Ýewraziýa halklarynyň medeniýetiniň ösüş taryhy barada bilimleri ýaýratmaga mümkinçilik berer. Şeýle hem, forum döwletleriň arasyndaky dostlugy we hyzmatdaşlygy berkitmäge ýardam eder.
Festiwala gatnaşyjylar döredijilik, folklor we etnografiki toparlar, çagalar we maşgala toparlary, horeografiki ansambllar, aýry-aýry ýerine ýetirijiler, senetçiler, şekillendiriş we bezeg sungatynyň ussatlary we beýleki döredijilik birleşikleri bolar. Daşkende 10-dan gowrak döwletden 200 töweregi artistleriň ýygnanmagyna garaşylýar.
Festiwalyň maksatnamasy Özbegiýanyň paýtagtynyň dürli sahnalarynda konsert çykyşlaryndan doly bolar, halk senetleriniň sergileri we gezelençler bolar. Ýewraziýa festiwaly uly gala konserti bilen tamamlanar.
ORIENT news
