Google kompaniýasynyň smartfonlarynda täze öz ringtony peýda boldy

Maý 16, 2023 | 14:48 |9737

Pixel 7a smartfonyna badalga bermek bilen bir hatarda, Google kompaniýasy öz telefonlary üçin Android mobil operasion ulgamynyň esasyndaky täze oýlap tapan ringtonyny taýýarlady. Bu hakda 9to5Google portaly habar berýär.

Kompozisiýa meşhur amerikan sazandasy Kenny G-niň sazlarynyň äheňinde döredilip, ol saksofonda kuwwatly solo ýerine ýetirilişe esaslanýar. Google täze ringtony «Kenni Gington» (Kenny Gingtone) diýip atlandyrdy.

Rington Google Play arkaly elýeterlidir, ýöne şunda smartfondaky «Sesler» goşundysy 3.1 wersiýa çenli täzelenmelidir.

ORIENT habarlar