China daily: Si Szinpin ýaşlary Hytaýyň we Merkezi Aziýanyň dostlugyny pugtalandyrmaga çagyrdy
HHR-nyň başlygy Si Szinpin Merkezi Aziýadan Hytaýda bilim alýan ýaşlary özlerini bu ýurt bilen sebitiň döwletleriniň arasynda dostlugy öňe sürmäge we gatnaşyklary pugtalandyrmaga bagyş etmeklige çagyrdy – diýip, China daily habar berýär.
Pekindäki Hytaýyň nebit uniwersitetinde okaýan Merkezi Aziýadan gelen talyplara ýazan hatynda Si HHR-nyň we Merkezi Aziýa döwletleriniň umumy geljeginiň bardygyny nygtady. Bu hyzmatdaşlyk 2013-nji ýylda Ýüpek ýolunyň ykdysady guşagynyň bilelikdäki gurluşygynyň — bir bitewi Ýewraziýa söwda-ykdysady giňişligini we yklym üsti ulag geçelgesiniň döredilmegi boýunça taslamasyna badalga berilmegi bilen aýratyn itergi aldy.
HHR-nyň başlygy taraplaryň arasyndaky dostlukly gatnaşyklaryň maksada okgunly ýaş adamlaryň tagallalary tarapyndan hem goldanylmalydygyny nygtady. Ol talyplary «Ýüpek ýolunyň ruhuny» öňe sürmäge, «dostlugyň ilçileri» we «hyzmatdaşlyk köprüsi» hökmünde çykyş etmäge çagyrdy.
Ozal Merkezi Aziýadan baran talyplar HHR-nyň başlygy Si Szinpine hat ýazypdylar, onda umumy geljegi göz öňüne getirmek bilen, Hytaýyň we Merkezi Aziýanyň birleşigini döretmäge goşant goşmaga kararlydyklaryny beýan edipdiler.
ORIENT habarlar
