Türkmenistan we Täjigistan strategik hyzmatdaşlygy çuňlaşdyrmak hakynda Jarnamany kabul etdiler
Ýokary derejedäki gepleşikleriň jemleri boýunça Türkmenistan we Täjigistan Respublikasy strategik hyzmatdaşlygy çuňlaşdyrmak hakynda Jarnamany kabul etdiler – diýlip, Täjigistanyň prezidenti Emomali Rahmonyň döwlet baştutanynyň resmi saýtynda çap edilen metbugat üçin beýanatynda aýdylýar.
«Bu taryhy karar biziň halklarymyzyň düýp bähbitlerine gabat gelýär we sebitde ösüşiň we durnuklylygyň möhüm faktorlarynyň biridir» – diýip, Rahmon beýan etdi.
Türkmenistanyň we Täjigistanyň hökümetleri iki ýurduň arasyndaky ykdysady gatnaşyklary ýokary götermäge degişli teklipleri işläp düzerler we hödürlärler. Muňa Türkmenistanyň Prezidenti Serdar Berdimuhamedowyň Täjigistana saparynyň jemleri boýunça gol çekilen söwda-ykdysady gatnaşyklaryň ösdürmek hakyndaky reminamalar ýardam eder.
Rahmon şeýle hem gepleşiklerde taraplaryň söwda-ykdysady we ylmy-tehniki hyzmatdaşlyk boýunça Bilelikdäki hökümetara toparynyň işiniň netijeliligini ýokarlandyrmaga ylalaşandyklaryny habar berdi.
ORIENT habarlar
