Türkmenistan 2023-nji ýylyň güýzünde TRASEKA-nyň doly hukukly agzasy bolar
Türkmenistan eýýäm şu ýylyň güýzünde TRASEKA-nyň agzasy bolup biler. Bu barada maksatnamanyň hökümetara toparynyň hemişelik sekretariatynyň baş sekretary Aset Asawbaýew beýan etdi – diýip, Trend habar berýär.
«Türkmenistan bu gurama girmek bilen, özüniň ulag pudagynyň ösüşini, şeýle hem ýük daşamalaryny sanlylaşdyrmak işlerini tizleşdirip biljekdigini bellemek isleýärin. Mundan başga-da, onuň TRASEKA-nyň 13 agza-ýurduna ýönekeýleşdirilen elýeterliligi bolar. Öz gezeginde, MA ýurtlarynyň ulagyny ösdürmegiň täze mümkinçilikleri açylar» - diýip, Asawbaýew aýtdy.
TRASEKA — «Ýewropa-Kawkaz-Aziýa» ulag geçelgesini guramak boýunça halkara hyzmatdaşlyk maksatnamasydyr. Maksatnamanyň esasy maksady –harytlaryň Merkezi Aziýadan Ýewropa we tersine ygtybarly üpjün edilmegini gazanmak üçin ýurtlaryň ulag kommunikasiýalaryny birleşdirmekdir.
Ozal Asawbaýew TRASEKA-nyň ýurtlaryň halkara geçelgelerini döretmek işinde utgaşdyrylan hereketlere uly üns berýändigini belläpdi.
ORIENT habarlar
