KazanForum-2023-de häzirki zaman işewür zenanlaryň barha artýan ornuny ara alyp maslahatlaşarlar
Häzirki zaman işewür zenanlaryň barha artýan orny 18-nji maýda başlanjak «Russiýa – Yslam dünýäsi: KazanForum 2023» XIV Halkara ykdysady forumynda ara alnyp maslahatlaşylar.
Çäräniň çäklerinde maşgala we biznes, gözellik we saglyk temalaryna degişli sessiýalar geçiriler. Forumda şeýle hem «Halal business women» we «Halal charity women» atly iki sany baýrak bilen tanyşdyrarlar, olaryň maksady – biznes-gurşawynda zenanlaryň ornuny, derejesini we abraýyny goldamak we ýokarlandyrmakdyr.
«Zenan-telekeçi: maşgalanyň we işewürligiň deňagramlaşdyrylmagy» sessiýasynda telekeçiler telekeçiligi dolanyrmakdaky tejribesini paýlaşarlar we gatnaşyjylara özleriniň üstünliginiň taryhyny, maksada ýetmek ýolunda duçar bolnan kynçylyklar barada gürrüň bererler.
«Yslam modasynyň trendleri 2023» meýdançasynda yslam dünýäsiniň fashion-senagatynyň wekilleri musulman ýurtlarynda zenanlar üçin egin-eşikleri öndürmegiň we tikmegiň ösüşiniň geljegine serederler.
ORIENT habarlar
