BAE we Saud Arabystany syýahatçylar üçin Şengen wizasyna meňzeşi düzgüni çykarmagy meýilleşdirýärler
Aýlagyň Arap döwletleriniň hyzmatdaşlyk Geňeşiniň ýurtlary «Şengen görnüşindäki wizanyň» girizilmegi barada gepleşikleri geçirýärler, ol syýahatçylara bir wiza bilen ähli hyzmatdaş-ýurtlara baryp görmäge mümkinçilik berer.
Degişli beýanat ýurlaryň wezipeli adamlary tarapyndan tamamlanan Arap syýahatçylyk bazarynyň barşynda edildi.
«Biziň uly mümkinçiliklerimiz bar. 2022-nji ýylda bize 9,9 mln adam gelip gördi» - diýip, Bahreýn patyşalygynyň syýahatçylyk ministri Fatima Al Saýrafi aýtdy.
2022-nji ýylda Katarda geçen futbol boýunça dünýä çempionaty sebitiň ýurtlarynyň arasynda hyzmatdaşlyk üçin üstünlikli synag boldy. Bu syýahatçylara çäklendirmesiz ýurtlaryň arasynda erkin gezmäge rugsat berjek gezelençler barada hemişelik syýasat hakynda çekişme döretdi.
Aýlagyň döwletleri, hususan-da BAE, Saud Arabystany, Oman, Kuweýt, Katar we Bähreýn wizalaryň berilmegini dürli tizlikde kadalaşdyrýarlar, bu bolsa wiza syýasatyny çylşyrymlaşdyrýar. Şol sebäpli sebit üçin «Şengen görnüşindäki wiza» çenden aşa amatly bolup biler.
ORIENT habarlar
