Türkiýe türkmen talyplary üçin kwotalary artdyrmagy meýilleşdirýär
Türkiýe Türkmenistandan talyplara berilýän kwotalary artdyrmagy meýilleşdirýär. Bu barada ORIENT-iň habarçysyna beren interwýusynda Türkiýäniň Medeniýet we syýahatçylyk ministrliginiň Daşary ýurtdaky watandaşlaryň we arkadaş jemgyýetleriň işleri boýunça baş müdirliginiň Başlygy Abdullah Eren Stambulda tamamlanan TEKNOFEST festiwalynyň çäklerinde gürrüň berdi.
«Biz türkmen talyplary üçin kwotalaryň sanyny her ýylda 100-150-ä çenli artdyrmagy meýilleşdirýäris» - diýip, ol beýan etdi we eýýäm iki ýurduň degişli edaralarynyň arasynda gepleşikleriň geçirilendigini belledi.
Şu ýyl 50-ä golaý türkmenistanly Türkiýäniň abraýly ýokary okuw mekdeplerinde tölegsiz okamak üçin stipendiýa alarlar. Geljekde bu san diňe artar.
Abdullah Eren kwotalar barada habardarlygy ýokarlandyrmak boýunça işi iňjeňleşdirmegiň gerekdigini nygtady we bu meselede türkmen kärdeşlerini goldaw bermäge çagyrdy.
Türkmenistan bilen Türkiýäniň arasynda medeniýet, syýahatçylyk we beýleki ugurlar babatynda gatnaşyklara degip geçmek bilen, bilermen doganlyk ýurtlaryň arasyndaky hyzmatdaşlygyň ýyl-ýyldan pugtalandyrylýandygyny belledi.
ORIENT habarlar
