TAPI taslamasy Pariž ylalaşygynyň ýerine ýetirilmegine ýardam eder
Türkmenistan-Owganystan-Pakistan-Hindistan gaz geçirijisiniň gurulmagy sebitiň ýaşaýjylaryny elýeterli bahadan gaz bilen üpjün eder, bu bolsa daşky gurşawyň hapalanma derejesini kemelder we howa boýunça Pariž ylalaşygyny ýerine ýetirmäge ýardam eder.
Bu barada Türkmenistanyň energetika pudagyna maýa goýumlaryny çekmek boýunça Halkara forumynyň barşynda TAPI Pipeline Company Ltd kompaniýasynyň direktorlar geňeşiniň başlygy Muhammetmyrat Amanow beýan etdi.
Ol geçirilen barlaglara görä, girdejileriň pes etraplarynda howanyň hapalanmagynyň artýandygynyň görünýändigini, ol ýerde adamlaryň pes hilli ýangyjy sarp etmäge mejburdyklaryny ýa-da açyk otda iýmit taýýarlamak üçin el astyndaky serişdeleri ulanmaga mejbur bolýandyklaryny belledi.
Daşky gurşawa täsirinden başga-da, ýokarda agzalan ýagdaýlar ilatyň saglygyna ters täsir edýär we dürli ýürek, pnewmoniýa, süýji we öýkeniň düwnük keselleriniň döremeginiň sebäbi bolup durýar, şeýle hem infarktlaryň we insultlaryň ähtimallaygyny artdyrýar.
Şeýlelik bilen, hojalykda ekologiki taýdan arassa tebigy gazyň ulanylmagy howa boýunça Pariž ylalaşygyny ýerine ýetirmekde möhüm orun eýelemäge ukyplydyr, ol ylalaşyk atmosferada kömürturşy gazynyň derejesini kemeltmek boýunça çäreleri göz öňünde tutýar.
ORIENT habarlar
