Hançžoudaky tomusky Aziýa oýunlaryny gurnaýjylar ýaryşlara taýýarlyk görlüşi barada gürrüň berdiler
Hançžoudaky XIX tomusky Aziýa oýunlaryny gurnaýjylar milli olimpiýa komitetleri üçin dürli meseleler boýunça maglumat bermek maksady bilen, Chefs de Mission atly iki günlük seminar geçirdiler.
Hususan-da, 45 ýurduň wekilleri ýaryşlara gatnaşmak, akkreditirleme, Oýunlaryň dowamynda türgenleriň doping-gözegçiligi, wekiliýetleri ýerleşdirmek we KHBS-i bilen işleşmek barada bildiler.
Seminaryň çäklerinde wekiliýetler şeýle hem Oýunlaryň dürli desgalary – baş stadion, tennis merkezi, Hançžounyň Olimpiýa sport merkeziniň klasterindäki sportyň suw görnüşleri üçin arena we türgenleriň Şäherjigi bilen tanyşdylar, Aziýa Oýunlarynyň täze muzeýine baryp gördüler.
Aziýanyň Olimpiýa Geňeşiniň wekili Sun Luszen Hançžou-2022 oýunlaryň guramaçylyk komitetiniň tagallalaryna ýokary baha berdi.
«Ähli gyzyklanýan taraplaryň, HAGOC, OCA, milli olimpiýa komitetleriniň, Aziýa federasiýalarynyň we halkara federasiýalarynyň bilelikdäki tagallalary sebäpli Hançžou-2022 oýunlarynyň guramaçylyk komitetiniň tagallarynyň uly üstünliklere ýetendigini görmäge biz şat» - diýip, ol guramaçylyk komiteti bilen milli olimpiýa komitetleriniň arasyndaky öz wagtyndaky aragatnaşyk we hyzmatdaşlyk oýunlaryň üstünligi üçin aýgytlaýjy ähmiýete eýedir diýip belledi.
Tomusky Aziýa oýunlary 2023-nji ýylyň 23-nji sentýabryndan 8-nji oktýabry aralygynda Hytaýyň Hançžou şäherinde geçer.
ORIENT habarlar
