Italiýa Türkmenistanyň DIM-ne EXPO-2030 geçirmegiň konsepsiýasy bilen tanyşdyrdy
Türkmenistanyň daşary işler ministriniň orunbasary Mähri Bäşimowa Italiýanyň EXPO-2030 ýüz tutmalar komiteti boýunça ýörite ilçisi Romeo Orlandi bilen 2030-njy ýylyň Bütindünýä sergisini geçirmekde Rimiň resmi dalaşgärligini öňe sürmek meselesini ara alyp maslahatlaşdy – diýip, Türkmenistanyň diplomatik edarasynyň saýty habar berýär.
Taraplar dürli ugurlar boýunça ikitaraplaýyn hyzmatdaşlygy ösdürmäge taýýardyklaryny bildirdiler, şeýle hem hyzmatdaşlygyň häzirki ýagdaýyna, şol sanda halkara guramalaryň çäklerindäki ýagdaýyna baha berdiler.
Italiýanyň ýörite ilçisi Bütindünýä sergisini geçirmäge dalaşgärligi hödürlemek üçin umumy konsepsiýany tanyşdyrmak maksady bilen Aşgabada geldi. Soňky EXPO Dubaýda (BAE) bolupdy. Serginiň özi dünýä senagatynyň we tehnologik gazananlarynyň derejesini önümçiligiň 100-den gowrak pudaklarynda beýan edýär.
ORIENT habarlar
