Türkmen lukmançylyk işgärleri BSGG-nyň seminarynda sanjym geçirmeklige ynamy ýokarlandyrmagyň aýratynlyklaryny öwrenýärler
Türkmenistanyň Saglygy goraýyş we derman senagaty ministrligi BSGG-nyň Ýurt edarasy bilen bilelikde lukmançylyk işgärleri üçin ilatyň COVID-19 garşy sanjyma bolan ynamyny ýokarlandyrmak meseleleri boýunça seminar geçirdi. Ýewropanyň immunizasiýa hepdeliginiň çäklerinde geçirilen çäräniň bilelikdäki guraýjylary bolup BMG-niň Çagalar gaznasynyň we Türkmenistandaky Ýewropa Birleşiginiň wekilhanalary çykyş etdiler.
Gatnaşyjylar COVID-19 garşy sanjymyň netijeliligini, dünýäde we sebitlerde COVID-19 garşy sanjymlar bilen gurşalmakdaky öňe gidişligi ara alyp maslahatlaşdylar. Olar şeýle hem COVID-19 garşy sanjymy geçirmekde ynamy berkitmekde lukmançylyk işgärleriniň eýeleýän orny barada maglumat aldylar.
Sanjymlara ynam wajypdyr we döwlet institutlarynyň sanjymyň artykmaçlyklary barada habar bermek ukyplaryna baglydyr, şeýle hem sanjymlary howpsuz we netijeli eltip bermeklerine baglydyr. Üstünlikli sanjym kampaniýalary hökümetden hyzmatdaş gatnaşyklarynyň ýola goýulmagyny we ilat bilen giň we gowy dolandyrylýan özara gatnaşygy geçirmek üçin jemgyýetçilik guramalaryna goldaw berilmegini talap edýär.
ORIENT habarlar
