Awstriýanyň seýsmologlary türkmen kärdeşleri üçin seminarlary we okuwlary geçirmegi teklip etdiler
Türkmenistanyň Ylymlar akademiýasynyň Seýsmologiýa we atmosferanyň fizikasy institutynyň hünärmenleri ýadro synaglaryny ählumumy gadagan etmek hakynda Ylalaşygyň Guramasyndan özleriniň awstriýaly kärdeşleri bilen onlaýn-maslahat geçirdiler.
Awstriýaly seýsmologlar türkmen hünärmenleriniň hünärini ýokarlandyrjak, şeýle hem halkara hyzmatdaşlygyny pugtalandyrjak okuw seminarlaryny we okuwlary geçirmäge gyzyklanma bildirdiler – diýip, «Neýtralnyý Turkmenistan» gazeti habar berýär.
Maslahatyň barşynda YBI-niň alym-sekretary Swetlana Ahmedowa daşary ýurt kärdeşlerine Alibeg sanly stansiýanyň tehniki ýagdaýy barada habar berdi, ol Aşgabada, soňra bolsa Wenadaky Halkara maglumatlar Merkezine seýsmiki tolkunlaryň yrgyldysy baradaky maglumaty berýär.
Häzirki wagtda Türkmenistanda ýerasty yrgyldylaryň işjeňligini yzarlaýan 20 seýsmik stansiýanyň, şol sanda mobil stansiýanyň hereket edýändigi bellenip geçildi. Şunlukda bu stansiýalar ýurduň ähli çägini diýen ýaly gurşap alýarlar.
ORIENT habarlar
