Türkmenistan we Bütindünýä gümrük guramasy hyzmatdaşlygy giňelderler
Türkmenistanyň Belgiýadaky ilçisi Sapar Pälwanow Bütindünýä gümrük guramasynyň Baş sekretary Kunio Mikuri bilen hyzmatdaşlygy mundan beýläk-de giňeltmegiň meselelerini ara alyp maslahatlaşdy – diýip, ýurdumyzyň Brýusseldäki diplomatik wekilhanasy habar berýär.
Diplomatik missiýanyň baştutany BGG-nyň Baş sekretaryna Türkmenistanda amala aşyrylýan gümrük gullugyny sanlylaşdyrmagyň çäreleri barada habar berdi, şeýle hem guramanyň wekillerine bir penjire ulgamyna badalga berlendigi, halkara ölçegleriniň we intellektual ulgamyň ornaşdyrylandygyny gürrüň berdi.
Taraplar bu hereketleriň ýurtda eksport-import amallarynyň netijeliligini we aýdyňlygyny artdyrýandygyny nygtadylar.
Şeýle hem duşuşygyň çäklerinde Türkmenistanyň harytlary beýan etmegiň we kodlaşdyrmagyň sazlaşdyrylan ulgamy baradaky Halkara konwensiýasyna goşulýandygy baradaky resminamanyň dabaraly gowşurylyşy boldy.
ORIENT habarlar
