Türkmenistan Ysraýylda ilçihanasyny açmak mümkinçiligine garaýar
Türkmenistan Ysraýyl bilen ikitaraplaýyn gatnaşyklary giňeltmekligi meýilleşdirýär we ol ýurtda öz ilçihanasyny açmak mümkinçiligine garaýar.
Bu barada Prezident Serdar Berdimuhamedow Ysraýylyň daşary işler ministri Eli Koen bilen geçen duşuşykda beýan etdi – diýip, Ysraýyl KHBS-leri habar berýärler.
Duşuşykda ýurtlaryň arasynda kibertehnologiýalar, oba hojalygy we suw hojalygy babatynda hyzmatdaşlygy giňeltmek boýunça mümkinçilikler ara alnyp maslahatlaşyldy.
Koen saparynyň çäklerinde meýilleşdirilen Ysraýylyň Aşgabatdaky ilçihanasynyň açylmagy ykdysady we tehnologiki hyzmatdaşlygy pugtalandyrmaga, şeýle hem sebitleýin howpsuzlygy pugtalandyrmaga ýardam eder diýip beýan etdi.
20-nji aprelde Ysraýylyň daşary işler ministriniň özüniň türkmen kärdeşi Raşid Meredow bilen, başga birnäçe resmi adamlar bilen, şeýle hem ýewreý ýerli jemagatynyň agzalary bilen duşuşygy meýilleşdirilýär.
ORIENT habarlar
