Türkmenistanyň Halk Maslahatynyň Başlygy bilen Özbegistanyň döwlet baştutanynyň arasynda telefon arkaly söhbetdeşlik geçirildi
Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow şenbe güni Özbegistanyň Prezidenti Şawkat Mirziýoýew bilen telefon arkaly söhbetdeşlik geçirdi.
Özbegistanyň lideri Gurbanguly Berdimuhamedowa ejesi Ogulabat ejänyň aradan çykmagy zerarly, çuňňur gynanç bildirdi.
Söhbetdeşlikde ikitaraplaýyn gün tertibindäki möhüm meseleler boýunça pikir alşyldy. Hususan-da, iň ýokary derejede gazanylan ylalaşyklary durmuşa geçirmegiň barşy ara alnyp maslahatlaşyldy.
Hökümetara komissiýasynyň mejlisleri, syýasy geňeşmeler, ulag we medeniýet ministrleriniň duşuşyklary we ikitaraplaýyn diplomatik gatnaşyklaryň 30 ýyllygy bilen baglanyşykly beýleki çäreler ýaly ýylyň başyndan bäri alnyp barylýan ikitaraplaýyn gatnaşyklaryň netijeli jemleri kanagatlanma bilen bellenildi – diýip, Özbegistan Respublikasynyň Prezidentiniň metbugat gullugy habar berýär.
Söwda-ykdysady, energetika we suw pudaklarynda hyzmatdaşlyk meseleleri ara alnyp maslahatlaşyldy. Mundan başga-da, Merkezi Aziýada sebit hyzmatdaşlygynyň amaly taraplaryna garaldy.
Telefon arkaly söhbetdeşligiň ahyrynda ýolbaşçylar birek-biregi we iki ýurduň dogan halklaryny ýetip gelýän Oraza baýramy bilen gutladylar.
ORIENT news
