Starship gämisiniň ilkinji orbital synag uçuşy tehniki sebäplere görä ýatyryldy
Duşenbe güni SpaceX Amerikan kompaniýasy tehniki sebäplere görä Starship kosmiki gämisiniň prototipiniň orbita ilkinji uçuşyny ýatyrdy. Ýaýlym kompaniýanyň saýtynda alnyp barylýar.
Ýatyrylmagynyň sebäbi ýangyç ulgamynyň gysyp ýygnaýjy klapanlarynyň biriniň näsazlygydy diýip, kompaniýanyň wekili ýaýlymda aýtdy. Gaýtadan synanyşmak üçin azyndan 48 sagat dowam etjek gämidäki ýangyjyň hemmesini çalyşmaly bolar. Täze uçuşyň wagty entek kesgitlenmedi, - diýip TASS belleýär.
Uçuryş üçin ätiýaçlyk «penjireler» 18-nji we 19-njy aprele kesgitlenildi, ýöne kompaniýanyň inženerleriniň gämini galan wagtda uçuşa taýýarlap ýetişjekleri entek belli däl. Boka Çikada (Tehas) uçuş meýdançasyndan 120 metrlik raketanyň uçurylyşy ýerli wagt bilen 08:20-de bolar.
Köp gezek ulanylýan älem gämisi Starship Marsa uçuşlar üçin we 100 adama niýetlenendir. Gäminiň prototipleri eýýäm birnäçe gezek Ýere gaýdyp gelişli synag uçuşlaryny amala aşyrdylar. Emma şu wagta çenli olar Ýeriň atmosferasynda geçdiler. Starship uçuş synaglaryndan diňe 2021-nji ýylyň maý aýynda bolup geçen iň soňkysy enjamy bozmazdan geçdi.
ORIENT news
