"Arkadag" FK taryhda ilkinji ýeňşini gazandy
“Arkadag” futbol kluby Türkmenistanyň Ýokary ligasynyň ikinji tapgyrynda taryhda ilkinji gezek ýeňiş gazandy.
"Nusaý" stadionynda geçirilen Marynyň "Merw"topary bilen geçirilen duşuşyk 2:1 hasabynda “Arkadagyň” peýdasyna tamamlandy.
Eýýäm 6-njy minutda Didar Durdyýew garşydaş toparyň derwezesine pökgi geçirip, hüjümiň başyny başlady. Dört minut soňra Arslanmyrat Amanow täze döredilen toparyň artykmaçlygyny iki esse artdyrdy.
52-nji minutda Alibek Abdyrahmanow Rasul Çaryýewiň derwezesine pökgi geçirmek bilen, "Merw" toparynyň utuk hasabyny açdy. Oýun 2:1 hasap bilen tamamlanyp, “Arkadag” Türkmenistanyň çempionatynda ilkinji utuklaryny gazandy.
Beýleki duşuşyklaryň netijeleri boýunça "Kopetdag" 2:1 hasabynda "Şagadamy" ýeňdi, "Şagadam" bolsa "Nebiçi" toparyndan 2:0 hasabynda ýeňildi.
Ikinji tapgyryň maksatnamasy 19-njy aprelde “Ahal” bilen “Altyn Asyr” toparlarynyň duşuşygy bilen tamamlanar.
ORIENT news
