Türkmen ýüzüjileri dünýä çempionatynyň saýlama ýaryşynda çykyş ederler
Türkmenistanyň suwda ýüzmek boýunça ýygyndysy 14-nji iýuldan 30-njy iýula çenli Fukuokede (Ýaponiýa) geçjek dünýä çempionatynyň saýlama ýaryşyna gatnaşarlar. Bu barada ORIENT-iň habarçysyna ýurdumyzyň Suwdaky sport görnüşleriniň federasiýasynda habar berdiler.
Merkezi Aziýa ýurtlaryndan ýüzüjileriň gatnaşmagyndaky saýlama ýaryş 18-22-nji aprelde Daşkentde sportyň olimpiýa we paralimpiýa görnüşlerini ösdürmegiň Respublika merkezinde geçiriler.
Türkmen wekiliýetiniň düzümini 15 adam, şol sanda 13 ýüzüji düzdüler. Erkekleriň toparyna: Merdan Ataýew, Musa Jalaýew, Dawid Akopýan, Arslan Gaýypnazarow, Eminguly Ballykow, Abdyrahman Agamyradow, Selim Nazarow girdiler.
Zenanlar toparyna: Aýnur Primowa, Waleriýa Mirenskaýa, Eneş Primowa, Anastasiýa Morgenştern we Ejeş Primowa wekilçilik ederler.
Türkmen ýüzüjileri Wladimir Nowikowyň we Mark Pilýuginiň ýolbaşçylygynda çykyş ederler.
ORIENT habarlar
