Bilim ministrliginiň hünärmenleri okatmagyň iň täze interaktiw ulgamlary bilen tanyşdylar
BMG-niň Çagalar gaznasynyň (ÝUNISEF) bilermenleri Türkmenistanyň Bilim ministrliginiň wekilleri üçin dersleri okatmagyň interaktiw ulgamyny STEM (tebigy we inžener ylymlary) ulanmak boýunça seminar geçirdiler – diýip, guramanyň ýurtdaky wekilhanasynyň saýtynda habar berilýär.
Okuw çäresiniň dowamynda Bilim ministrliginden gelen myhmanlar mugallymlary, okuwçylaryň we olaryň maşgalalaryny goşmaça bilime höweslendirmek üçin ýokary hilli bilim kontentine bolan elýeterlilik kepillendirmesi bilen tanyşdylar.
Çäräniň jemleri boýunça ministrligiň wekilleri okatmak işinde gerekli tejribäni we bilim beriji materiallardan peýdalanmaga taýýardygyny beýan etdiler. Gürrüň okuw maksatnmasyna gabat gelýän materiallar hakynda barýar.
Duşuşyk Türkmen-hindi maglumatlar tehnologiýasy merkezinde geçdi. Oňa ministrligiň, Milli bilim institutynyň hünärmenleri, şeýle hem paýtagtdaky we welaýatlardaky mugallymçylyk mekdepleriniň hünärmenleri gatnaşdylar.
ORIENT habarlar
