Türkmenistan 2022-nji ýylda $12,7 mlrd-lyk önümi eksport etdi
2022-nji ýylda Türkmenistanyň daşary söwda dolanyşygynyň oňyn saldosy $5,4 mlrd deň boldy, haryt dolanyşygynyň umumy görkezijisi bolsa $20 mlrd-a ýetdi – diýip, Daryo habarlar agentligi habar berýär.
Saldo — bu belli bir wagtyň döwamynda pul girdejileriniň we çykdajylarynyň aratapawudydyr. Şeýlelik bilen, umumy haryt dolanyşygyndaky ýurduň oňyn saldosyna eksportdan gelen girdeji diýmek bolýar.
2021-nji ýylda söwda balansynyň girdejileriniň çykdajylardan artyklygy $2,6 mlrd-dan sähel gowrak boldy. Bu bolsa oňyn saldonyň möçberiniň bir ýylda $2,8 mlrd ýa-da 107,7% artdy diýmekdir.
2022-nji ýylda Türkmenistan $12,7 mlrd-lyk önümi eksport etdi, olaryň 80% energiýa göterijileriň iberilmegidir. Geçen ýylda tebigy gazyň eksportynyň umumy möçberi 2021-nji ýyl bilen deňeşdireniňde 60% artdy, elektrik energiýanyňky —30% artdy.
2022-nji ýylda import $7,3 mlrd-a deň boldy.
Şeýle çalt ykdysady depgin uglewodorodlaryň iberilmeginiň diwersifikasiýalaşdyrylmagy, ýokary artdyrylan gymmaty bolan önümleriň öndürilişiniň artdyrylmagy we eksporta gönükdirilen pudaklaryň tiz ösmegi bilen düşündirilýär.
ORIENT habarlar
