Türkmen ýangyç-energetika toplumy önümçiligiň durnukly ösüşini görkezýär
Türkmenistanyň nebit-gaz pudagynda şu ýylyň üç aýynda iň ýokary görkezijiler dizel ýangyjyny öndürijiler tarapyndan gazanyldy – bu netije 8,6% meýilnamadan artyk ýerine ýetirildi.
Hasabat döwründe tebigy we ugurdaş gazy çykarmagyň, benzin we polipropilen öndürmegiň meýilnamalary 104,5 göterim ýerine ýetirildi.
Nebiti gaýtadan işlemegiň meýilnamasy 103,6 göterim, daşary ýurtlara iberilen tebigy gazyň meýilnamasy 102,8 göterim, nebit çykarmagyň meýilnamasy 101,9 göterim berjaý edildi.
Bu barada wise-premýer Aşyrguly Begliýew Prezident Serdar Berdimuhamedowa şenbe güni geçirilen hökümet mejlisinde habar berdi.
Döwlet baştutany wise-premýere şu ýylyň aprel aýynda Birleşen Arap Emirlikleriniň Dubaý şäherinde geçiriljek halkara maýa goýum forumyna gowy taýýarlyk görmek hem-de ony ýokary guramaçylyk derejesinde geçirmek babatda görkezmeler berdi.
ORIENT news
