TDHÇB-daky söwdalaşyklar: suwuklandyrylan gaz we nebit bitumy ýokary islege eýe boldy
Şenbe güni, 8-nji aprelde Türkmenistanyň döwlet haryt-çig mal biržasyndaky söwdalaşyklarda jemi bahasy $2,2 mln amerikan dollaryna deň bolan 17 geleşik baglaşyldy - diýip, ORIENT-iň habarçysy habar berýär.
Pakistanyň, Özbegistanyň we Owganystanyň işewür toparlarynyň wekilleri suwuklandyrylan gazyň jemi 5 müň tonnasyny satyn aldylar. Önümiň her tonnasyna $358 amerikan dollary baha berildi. Geleşikleriň jemi bahasy $1,7 mln amerikan dollaryndan geçdi.
Özbegistandan gelen işewür söwdalaşyklaryň barşynda BND 60/90 kysymly nebit ýol bitumynyň 2 müň tonnasyny satyn almak bilen, önümiň her tonnasyna $240 baha berdi. Geleşigiň jemi bahasy $480 müň amerikan dollaryna deň boldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
