Türkmen talyplary Tatarystanda mini-futbol boýunça ýaryşda ýeňiş gazandylar
Kazan federal uniwersitetiniň (Priwolžskiý) Ýelabuž institutynyň türkmen talyplarynyň topary Russiýanyň 2022-/2023 Talyp sport klublarynyň birleşmesiniň çempionatynyň respublika tapgyrynda ýeňiji boldy. Ýaryşlar 2023-nji ýylyň 20-nji fewralyndan 1-nji apreline çenli Tatarystandan 16 talyp toparlarynyň gatnaşmagynda geçdi.
Final ýaryşda türkmenistanlylar 3:0 hasabynda Pawolžýe bedenterbiýe, sport we syýahatçylyk döwlet uniwersitetiniň ýygyndysyny utdular.
Türkmen talyplarynyň topary üçin indiki tapgyr 16-njy aprelden 20-nji aprele çenli Saranskiýde geçjek bütinrussiýa birinjiligi tapgyrynda çykyş etmekdir.
Ozal bu çempionatyň respublika derejesinde türkmenistanly talyplaryň «Magtymguly Pyragy» topary ýeňiş gazanypdy. Netijede, türkmen talyplaryndan ybarat bolan birbada iki topar öz ýokary okuw mekdeplerine Udmurtiýada geçiriljek Talyp sport klublarynyň birleşmesiniň bütinrussiýa çempionatynda wekilçilik ederler.
ORIENT habarlar
