Türkmenistanyň Bilim ministrligi Ýeňiş güni mynasybetli bäsleşik yglan etdi
Türkmenistanyň Bilim ministrligi Magtymguly adyndaky Ýaşlar guramasy bilen bilelikde Ýeňiş gününe bagyşlap «Berkarar döwletiň täze eýýamynyň bagtyýar gerçekleri» atly döredijilik bäsleşigini geçirer – diýip, «Nesil» gazeti habar berýär.
Bäsleşige türkmen ýokary okuw mekdepleriniň ýaşlary-talyplary gatnaşyp bilýärler. Birinji tapgyrda olar özleri tarapyndan saýlanan hünärde jemgyýetde eýeleýän orny barada goşgy okamaly. Goşgyny okamaga 3 minut wagt berler.
Şeýle hem talyplar öz zehinleriniň birini görkezmeli: bu aýdym aýtmak, sahna goýmak ýa-da labyzly okamak bolup biler.
Ýaryşyň üçünji tapgyrynda ýaş oglanlar 3 minudyň dowamynda nakyllary, atalar sözüni aýtmakda öz bilimlerini görkezmeli. Düzüminde Bilim ministrliginiň we Medeniýet ministrliginiň wekilleri bolan emin agzalary okuwçylara bäş bally ölçeg boýunça baha bererler.
Bäsleşik ürkmen talyp ýaşlarynyň zehinini açyp görkezmäge, olaryň ruhunyň güýjüni, batyrgaýlygyny, edermenligini we adalata ymtylyşyny görkezmäge niýetlenendir.
Magtymguly adyndaky Ýaşlar guramasyyň wekillerine bäsleşigiň ýokary okuw mekdeplerindäki tapgyryny 27-nji aprele çenli geçirmekligi üpjün etmek tabşyryldy. Ikinji ýokary okuw mekdepleriniň arasyndaky tapgyr 2023-nji ýylyň 1-nji maýyndan 8-nji maýyna çenli bolar. Oňa gatnaşmak üçin bäsleşigiň birinji tapgyrynda baýrakly ýer alanlygyň barada şahadatnamany, şeýle hem iki sany şahsy iş bukjasyny we 3х4 ölçegde suraty 29-njy aprele çenli tabşyrmaly.
Öňki bäsleşikleriň ýeňijileri bu çärä gatnaşmaga goýberilmeýär. Ilkinji üç ýeriň ýeňijilerine gymmatbahaly sowgatlar we diplomlar gowşurylar.
ORIENT habarlar
