Döwletjan Ýagşymyradow Bellatoryň täzelenen reýtinginde eýeleýän ornuny gowulandyrdy
Garyşyk başa-baş söweş görnüşiniň türkmen söweşijisi Döwletjan Ýagşymyradow Bellator tarapyndan täzelenen reýtinginde ornuny gowulandyrdy.
Ýarym agyr agram derejesinde çykyş edýän Ýagşymyradow bir orun ýokary galdy, şeýlelik bilen reýtingiň 6-njy ornunda ýerleşdi.
Ýarym agyr agramlykdakylaryň reýtinginde birinji setiri Russiýaly Wadim Nemkow eýeleýär. Ikinji ýerde ABŞ-dan Kori Anderson ýerleşdi, üçünji orun onuň watandaşy Fil Dewise degişlidir.
Ozal türkmen söweşijisiniň 10-njy martda San-Hosede (Kaliforniýa, ABŞ) bolup geçen Bellator 292 tutluşygynyň çäklerinde litwaly Julius Aglikasy ýeňendigini ýatladýarys.
33 ýaşly Döwletjan Ýagşymyradow 2020-nji ýylyň dekabrynda Bellator promouşen bilen şertnama gol çekip, bu guramada Türkmenistandan ilkinji söweşiji boldy. Türgeniň hasabynda 20 ýeňiş, 7 ýeňiliş we 1 deňme-deňlik bar.
ORIENT habarlar
