«Türkmenistanyň dermanlyk ösümlikleri» kitabynyň XIV tomy iňlis dilinde çykdy
Gurbanguly Berdimuhamedowyň “Türkmenistanyň dermanlyk ösümlikleri” kitabynyň XIV tomy iňlis dilinde çykdy – diýip, «Neýtralnyý Turkmenistan» gazeti habar berýär.
Ylmy-ensiklopedik iş Türkmenistanyň çäklerinde ösýän ösümlikleriň peýdaly häsiýetleri we bejerijilik netijeliligi baradaky maglumaty özünde saklaýar. Onda köpüsi endemiki bolan ösümlikleriň ýaýraýyş arealy barada, olaryň biologik aýratynlyklary, tebigatdaky gorlary we himiki düzümi barada maglumat getirilýär.
Kitapda şeýle hem bejergi içgilerini taýýarlamagyň usullary, dermanlyk ösümlikleriň atlarynyň sözlügi we olary ýygnamagyň senenamasy getirilýär.
Kitabyň iňlis dilinde çykarylmagy ynsanperwerlik we ylmy-bilim babatynda döwletleriň arasyndaky hyzmatdaşlygy çuňlaşdyrmaga niýetlenendir.
ORIENT habarlar
