Türkmenistanda Bütindünýä saglyk güni bellener
Türkmenistanda 7-nji aprel, anna güni Bütindünýä saglyk güni bellenýär. Baýramçylyk mynasybetli sport, bedenterbiýe-sagaldyş we beýleki çäreler gurnalýar.
Şeýle-de, köpçülikleýin welosipedli ýöriş guralar. Ýörişe gatnaşyjylaryň erkin hereketini üpjün etmek maksady bilen kesgitlenen ugur boýunça ir säherde awtoulaglaryň hereketi wagtlaýynça çäklendiriler.Köpçülikleýin welosipedli ýörişiň geçjek ýolunyň ugry boýunça sungat ussatlarynyň, talyplaryň we çagalaryň aýdymsaz we tans toparlarynyň çykyşlary guralar.
Köpçülikleýin çärä gatnaşýan döredijilik toparlary bir gün öňünden öz çykyşlaryny repetisiýa etdiler, şonuň bilen birlikde, 6-njy aprelde bellenilýän Halkara sport gününi hem şowhunly aýdym-sazlar bilen belläp geçdiler.
Bu sportuň ähmiýetini, jemgyýetiň we adamyň durmuşynda onuň tutýan ornuny, dünýäni gowulaşdyrmak ukybyny ýatlatmak üçin amatly sebäp. Sport çäreleri adamlaryň jebisleşmegine, olaryň sagdyn durmuş ýörelgelerine eýermegine, sport gymmatlyklarynyň wagyz edilmegine oňyn täsirini ýetirýär.
Siz hem maşgalalaryňyz, dostlaryňyz we kärdeşleriňiz bilen Bütindünýä saglyk gününi bellemäge gatnaşyň!
ORIENT news
