Türkmenistanyň Saglygy goraýyş we derman senagaty ministrligi BSGG-nyň işini goldady
Türkmenistan Bütindünýä saglygy goraýyş guramasynyň işini doly goldaýandygyny beýan edýär, BSGG-nyň ýolbaşçylaryna we işgarlerine olaryň gaýduwsyz we ýokary hünär derejesindäki işi üçin minnetdarlyk bildirýär. Aşgabat mundan beýläk hem bu gurluş bilen ýakyndan özara hyzmatdaşlyk saklar we oňa goldaw berer.
Şunuň ýaly beýannama bilen Türkmenistanyň Saglygy goraýyş we derman senagaty minsitri 7-nji aprelde – Bütindünýä saglyk gününde çykyş etdi. Çykyşyň tekstini ýurduň DIM ýaýratdy.
Beýannamada bellenilişi ýaly, Türkmenistanyň saglygy goramakdaky tagallalaryna BSGG we Ýewropa sebitleýin býurosy tarapyndan mynasyp baha berildi, köp sanly halkara şahadatnamalary we sertifikatlary muňa şaýatlyk edýär.
Beýannamada Saglygy goraýyş we derman senagaty ministrligi häzirki wagtda ýurtda ähli gerekli infrastrukturanyň döredilendigini we Aşgabadyň halkara guramalary bilen enäni we çagalygy goramak, keselleriň öňüni almak maksatnamalarynyň çäklerinde gatnaşyklaryň üstünlikli amala aşyrylýandygyny nygtady.
Türkmenistan milli saglygy goraýyş ulgamyny döwrebaplaşdyrmaga uly ähmiýet berýär. Munuň üçin ýurduň döwlet býujetinden uly serişdeler bölünip berilýär.
ORIENT habarlar
