Özbegistanyň Konstitusion kanunynyň taslamasyny Braýlyň şriftinde çap etdiler
Özbegistanyň Konstitusion kanunynyň «Özbegistan Respublikasynyň Konstitusiýasy hakynda» taslamasyny Braýlyň harpynda çap etdiler – diýip, Özbegistanyň milli maglumatlar agentligi habar berýär.
Neşir Özbegistan Respublikasynyň Adam hukuklary baradaky milli merkezi we Durnukly ösüş merkezi tarapyndan taýýarlandy. Ol maýyplygy bolan özbegistanlylaryň hukuklaryny, azatlyklaryny we kanuny bähbitlerini üpjün etmäge hyzmat edýär.
Täzelenýän esasy kanunyň tekstindäki kadalaryň ýarysyndan köpüsiniň adamyň hukuklaryny we azatlyklaryny goramagy kepillendirmegiň güýçlendirilmegine gönükdirilendigini belläp geçmelidiris. Hususan-da, Özbegistanyň Konstitusiýasynyň täze taslamasynyň 57-nji maddasyna laýyklykda maýyplygy bolan adamlaryň we ýeke ýaşaýan garry adamlaryň hukuklary, şeýle hem ilatyň beýleki kömege mätäç toparynyň hukuklary döwlet tarapyndan goralýar.
Ozal Özbegistanyň Konstitusiýasy we «Maýyplaryň hukuklary hakynda» kanun 2020-nji ýylda Adam hukuklary boýunça milli merkeziň başlangyjy bilen ilkinji gezek Braýlyň harpynda çap edilipdi.
ORIENT habarlar
