Özbegistanyň Türkmenistandaky ilçihanasy Aşgabatda saýlaw uçastogyny açdy
Aprel 04, 2023 | 02:12 |11186
Özbegistanyň Türkmenistandaky ilçihanasy Özbegistanyň «Özbegistan Respublikasynyň Konstitusiýasy hakynda» Konstitusion kanunyň taslamasy boýunça 30-njy aprelde boljak referendumda ses bermek üçin Aşgabatda saýlaw uçastogyny açdy. Bu baradaky bildirişi «Neýtralnyý Turkmenistan»gazeti 4-nji aprelde çap etdi.
Özbegistanyň Türkmenistandaky diplomatiki wekilhanasynyň ýanyndaky uçastok şu salgyda ýerleşýär: Aşgabat ş., Görogly köç., 50a.
Türkmenistanyň çäklerinde wagtlaýyn ýa-da hemişelik bolýan özbegistanlylar hem 19-njy aprelde Türkmenabat şäherindäki «Ýüpek ýoly»muhmanhanasynda we 24-nji aprelde Daşoguz şäherindäki «Daşoguz» myhmanhanasynda ýerleşýän göçme saýlaw uçastoklarynda referendumda ses berip bilerler.
ORIENT habarlar
