OPEK+ nebiti çykarmagy azaltmak barada karara gelenden soň nebitiň bahasy birden gymmatlady
Saud Arabystanynyň we OPEK+ guramasynyň beýleki agzalarynyň nebiti çykarmagy azaltmak baradaky duýdansyz kararyndan, şeýle hem Russiýanyň —ýylyň ahyryna çenli öz önüm öndürijiligini kemeltmegini uzaltmak baradaky kararyndan soňra nebitiň Brent kysymy 8% gowrak birden gymmatlady. Bu barada Reuters agentligi habar berýär.
Yklymara biržasynyň maglumatlaryna görä, Brent kysymy nebiti üpjün etmek boýunça iýunda ýerine ýetirilmeli şertnamalaryň bahasy söwdalaşyklaryň barşynda 8,2% ýokarlandy.
Iň ýokary nokatda fýuçersleriň bahasy her barrel üçin $86,44 deňdi, bu 31-nji martda söwdalaşyklaryň ýapylmagyndakydan $6,55 köpdür. Çeşmäniň habar bermegine görä, bu bir ýyldan gowrak wagtyň dowamynda söwdalaşyk gününiň dowamynda gymmatlamagyň iň ýokary depgini bolup biler.
OPEK+ ýurtlarynyň karary bazarlary sarsdyrdy. Indi möçber hasabynda nebiti çykarmak her gije-gündizde 3,66 mln barrel kemeler – bu bütindünýä isleginiň 3,7% deňdir.
Bu şeýle hem iri kompaniýalaryň – tankerleriň eýelerine, şol sanda Frontline, Euronav we DHT Holdings täsir etdi – diýip, Bloomberg habar berýär. Dünýä bazarynda çig nebitiň 40% golaýy deňiz arkaly daşalýar. Şunuň bilen baglylykda nebiti çykarmagyň kemeldilmegi agramyň ep-esli azalmagyna getirer.
ORIENT habarlar
