Twitteriň logotipi memden alnan itiň şekili boldy
Amerikanyň Twitter mikroblok serwisi we sosial tory öz logotipini üýtgetdi. Mawy guşjagazyň şekilindäkimeşhur simwol - Dogecoin kriptowalýutasynyň belgisindäki siba-inu tohumyndan bolan itiň şekili çalyşdy.
Munuň täsiri bilen sanly walýutanyň bahasy 26,65% ýokarlandy, 0,101 dollara baryp ýetdi. Ozal söwdalaşyklar wagtynda onuň bahasy 0,104 dollara ýetýärdi.
Siba-inu itiniň şekili saýtyň ýüklenýän ekranynda hem görünýär.
Bu özgerişligiň hemişelikdigi ýa-da däldigi entäk belli däl. Twitteriň Baş direktory Ilon Mask öz sahypasyndaky postda ulanyjynyň teklibi boýunça logotipi üýtgedendigini ýazdy. «Wada berişim ýaly» - diýip, ýazyşmanyň skrinşotynda Mask gol çekipdir.
Mask Dogecoini birnäçe ýyl mundan öň mahabat edip başlapdy. Ol özüniň Twitterdäki mikroblogynda 2013-nji ýylda degişme hökmünde döredilen token barada wagtal-wagtal ýazyp durýar.
Ozal geň milliarder özüniň siba-inu tohumyndan bolan itini oýun edip Twitteriň baş direktory edip «belläpdi».
ORIENT habarlar
