Türkmen habar beriş serişdeleriniň wekillerini howanyň üýtgemegi boýunça okuwa çagyrýarlar
Türkmenistanda işleýän KHBS-niň we Merkezi Aziýanyň beýleki ýurtlarynyň wekillerini howanyň üýtgemegi boýunça Bäşinji Merkezi Aziýa maslahatynyň (ЦАКИК-2023) çäklerinde geçiriljek «Media we howanyň üýtgemegi: nazaryýet we tejribe»atly okuwa gatnaşmaga çagyrýarlar.
Okuw sebitdäki diňleýjiler üçin suw, energetika, azyk we ekologiki ugurlar boýunça howanyň üýtgemegi jähtinde ýokary hilli materiallary taýýarlamakda media wekilleriniň hünär taýdan ösmegine goldaw bermegi maksat edinýär.
Kursyň okuw düzüm bölegi «garyşyk öwrenmek»çemeleşmesine esaslanan we onlaýn we offlaýn bölümleri, şeýle hem halypaçylygy öz içine alýar. Onlaýn-okuw 11-12-nji maýda geçer, interaktiw işi we bilermenleriň çykyşlaryny öz içine alýan offlaýn-çäre Duşanbede 15-nji maýda bolar.
Kontenti (mazmuny) işläp düzmegiň hilini goldamak üçin halypaçylyk tutuş okuwyň dowamynda üpjün ediler, maslahata gatnaşmagyň barşynda we ol okuwtamamlanandan soň hem ýene iki hepdäniň dowamynda üpjün ediler.
Gyzyklanýan taraplar, şol sanda onlaýn-platformalar, blogerler, kontentmeýkerler okuwa gatnaşmak üçin ýüz tutmany degişli formany dolduryp, 13-nji aprele çenli tabşyryp bilerler.
Okuwa gatnaşmak üçin 20 adam saýlanyp alnar. Islendik sorag boýunça gurnaýjylar bilen şu elektron salgy arkaly habarlaşyp bolýar caccc.media2023@gmail.com.
ORIENT habarlar
