Hytaýyň DIM-i: Hytaý Türkmenistany ösüş ýolunda pugta goldaýar
“Türkmenistany Mejlisiň ýedinji çagyrylyşynyň deputatlarynyň saýlawlarynyň üstünlikli geçirilmegi bilen gutlaýarys. Dostlukly goňşy we ählitaraplaýyn strategiki hyzmatdaş hökmünde Hytaý Türkmenistany öz milli gymmatlyklaryna laýyk gelýän ösüş ýolunda pugta goldaýar” – diýip, HHR-nyň DIM-iň resmi wekili Mao Nin 4-nji aprelde sişenbe güni geçirilen metbugat ýygnagynda “People's Daily” neşiriniň wekiliniň Türkmenistanda geçirilen soňky parlament saýlawlaryna Hytaýyň berýän teswiri baradaky soragyna beren jogabynda aýtdy.
“Biz Prezident Serdar Berdimuhamedowyň ýolbaşçylygynda Türkmenistan mizemez durnuklylyga eýe bolar we “Berkarar döwletiň täze eýýamynyň Galkynyşy döwrüniň” strategiýasynyň çäginde ösüş maksatlaryna ýeter, diýip ynanýarys” – diýip, Mao Nin belledi.
“Hytaý ikitaraplaýyn syýasy ynamy güýçlendirmek, ähli ugurlar boýunça hyzmatdaşlygy çuňlaşdyrmak, köptaraplaýyn mehanizmlerde utgaşdyrmany berkitmek we ikitaraplaýyn gatnaşyklarymyzda täze ösüşlere ýetmek üçin türkmen tarapy bilen işleşmegi dowam etdirmäge taýýardyr” – diýip, HHR DIM-iň resmi wekili sözüniň üstüni ýetirdi.
ORIENT news
