Türkmenistan «Hazar — dostluk deňzi» atly motosiklli ýörişiň gatnaşyjylaryny garşy aldy
1-nji aprelde başlanan «Hazar — dostluk deňzi» atly motosiklli ýörişiň gatnaşyjylaryny Türkmenistan garşy aldy – diýip, «Astrahan 24» habar berýär. Olar ýangyç guýulýan beketlerde gysga wagtlyk durup, iki müň kilometre golaý ýoly geçdiler.
Motosiklli ýörişe Astrahan oblastynyň gubernatory Igor Babuşkin baştutanlyk edýär. Aksiýa gatnaşyjylar hyzmatdaşlygy giňeltmekligi ara alyp maslahatlaşmak üçin Türkmenistanda birnäçe duşuşyklary geçirerler.
Motosiklli ýöriş hazarýaka ýurtlarynyň arasynda hyzmatdaşlygy pugtalandyrmak üçin täze geljegi açýar. Hususan-da, W. N. Tatyşew adyndaky Astrahan döwlet uniwersiteti hyzmatdaşlygy giňeltmegi maksat edinýär. Ýokary okuw mekdebiniň rektory Konstantin Markelow Hazar deňzini monitorng etmek üçin deňiz robototehnikasy babatynda hyzmatdaşlygy ösdürmegiň mümkinçiligini beýan etdi.
Gubernator we motosikli söýüjileriň hereketiniň işjeň agzalary 5 müň kilometre golaý ýoly motosikle erk etmek bilen on günde geçerler. Ýöriş 11-nji aprelde tamamlanar.
ORIENT habarlar
