Özbegistanda türk dünýäsiniň Ýazyjylar birleşmesiniň birinji mejlisi geçirildi
Özbegistanyň Nawoi şäherinde türki dünýäsiniň Ýazyjylar birleşmesiniň birinji mejlisi geçirildi – diýip, UzA maglumatlar agentligi habar berýär.
«TÜRKSOÝ-yň Ýazyjylar birleşmesiniň döredilmegi bilen türki dünýäniň edebiýaty uzaga gider. Biziň köpräk çärelerimiz bolar, biz bir-birimizi has gowy tanarys» - diýip, TÜRKSOÝ guramasynyň baş sekretary Sultan Raýew öz gürrüňinde aýtdy we diliň we edebiýatyň üsti bilen türki dünýäsiniň birligini we raýdaşlygyny gazanmagyň wajypdygyny belledi.
«Biziň birligimiz – biziň güýjümizdir. Her bir pikir, her bir ädim türki dünýäsi üçin möhümdir» - diýip, Raýew nygtady.
Mejlise gatnaşyjylar türki dünýäsiniň Ýazyjylar birleşmesiniň 2023-2024-nji ýyllarda geçirjek çärelerini ara alyp maslahatlaşdylar, birleşmäniň müdiriýetini saýladylar, şeýle hem nobatdaky duşuşygyň geçirilmeli ýerini we wagtyny kesgitlediler.
«Türki dünýäsiniň Ýazyjylar birleşmesiniň birinji forumy ýokary derejede geçirildi» - diýip, birleşmäniň hormatly prezidenti, Azerbaýjanyň meşhur ýazyjysy Anar Rzaýew aýtdy, ol türki dünýäniň edebiýatyna goşan goşandy üçin «TÜRKSOÝ-yň Hormat Ordeni»bilen sylaglanypdy.
Mejlisiň çäklerinde «Mumtoz şeriýatyň» («Nusgawy poeziýanyň») şygyryýet festiwalynyň geçirilendigini hem belläp geçmelidiris.
ORIENT habarlar
