Türkmen talyplary mehanika boýunça Halkara olimpiadasynda 45 medal gazandylar

Aprel 04, 2023 | 02:28 |9300

Türkmen talyplary Türkmenistanyň Döwlet energetika instituty tarapyndan gurnalan teoretiki mehanika boýunça II Açyk halkara talyplar olimpiadasynda 45 medal gazandylar.

11 altyn, 10 kümüş we 24 bürünç medaly TDEI-nyň, Magtymguly adyndaky Türkmen döwlet uniwersitetiniň, şeýle hem ýurduň iri tehniki ýokary okuw mekdepleriniň talyplary aldylar – diýip, «Neýtralnyý Turkmenistan» gazeti habar berýär.

Şunda jemi 200 baýrakly orun ugrunda bäsleşildi. Olimpiada dünýäniň 75 ýokary okuw mekdebinden500-den gowrak talyp gatnaşdy, şol sanda Russiýadan, ABŞ-dan, Saud Arabystanyndan, HHR-dan, Beýik Britaniýadan, Türkiýeden, Özbegistandan, Gazagystandan we beýleki ýurtlardan gatnaşdylar.

ORIENT habarlar