BMG-niň Neşe serişdeleri we jenaýatçylyk boyunça Müdirliginiň Merkezi Aziýadaky wekili «Artyk» gümrük nokadyna baryp gördi
BMG-niň Neşe serişdeleri we jenaýatçylyk boýunça Müdirliginiň Merkezi Aziýadaky sebitleýin wekili Aşita Mittal türkmen-eýran araçäginde ýerleşýän «Artyk» gümrük nokadyna baryp gördi. Bu barada Türkmenistanyň Döwlet gümrük gullugynyň saýtynda habar berilýär.
Gümrük nokadynyň infrastrukturasyna we tehniki üpjünçiligine ýokary baha berip, myhman onuň we Pars aýlagynyň we Merkezi Aziýanyň ýurtlarynyň arasynda ýük daşamalarynyň we söwdanyň ösdürilmeginde möhüm orun eýeleýändigini, şeýle hem araçäkde neşe serişdeleriniň bikanun söwdasyna garşy göreşmekde uly goşant goşýandygyny belledi.
Mundan beýläkki ösüşiň geljegine degip geçmek bilen, taraplar Türkmenistanyň gümrük we serhet gulluklarynyň işgärleri tarapyndan ulanmak üçin interaktiw otaglaryň we ýagdaýlaýyn merkezleriň döredilmek mümkinçiligini ara alyp maslahatlaşdylar.
Aşita Mittal ÝHHG-nyň Merkezi we BMG-niň Neşe serişdeleri we jenaýatçylyk boýunça Müdirligi tarapyndan billeikde gurnalan neşe serişdeleriniň we psihoaktiw jisimleriň bikanun söwdasyna garşy göreşmek boýunça sebitleýin okuwyna gatnaşmak üçin Türkmenistana geldi.
ORIENT habarlar
